मेरो सासमा तिम्रो मिलनको आस अझै बाँकी छ
मेरो मुटुमा मधुमासको विश्वास अझै बाँकी छ

भुल्न सकिन्छ कसरी धराकास मिलनको रात
जिन्दगीमा तिम्रो अँगालोको आभास अझै बाँकी छ
सागरमा डुबेर नै बित्यो सारा जिन्दगी जब
मरुभुभिय अतृप्तिको एहसास अझै बाँकी छ

आज भोलि मौसम खराब छ ए मेरो दु.खी मन
उन्को र मेरो सुवासित मधुमास अझै बाँकी छ
तिम्रो नाम लिएर बाँचेकोछु हरेक धड्कन
यो ओठमा तिम्रो अधरको सुवास अझै बाँकी छ


भीम विराग